சூழகம் அமைப்பினால் வலுவிழந்தோருக்கான உதவிகள் வழங்கல் .

 

சூழகம் அமைப்பினால் வலுவிழந்தோருக்கான உதவிகள் வழங்கல் . 

யாழ்ப்பாணம் ஜெய்பூர் வலுவிழந்தோர் புனர்வாழ்வு  நிலையத்தின் ஊடாக  உடல் உறுப்புக்களை இழந்தவர்களுக்கான மாற்றீடு  அங்கங்கள் பொருத்தப்படுகின்றன . மேற்படி மாற்றீடு அங்கங்கள் யாழ் ஜெய்ப்பூர் நிலையத்திலேயே தயாரிக்கப்படுகின்றன . மேற்படி உற்பத்தி நிலையத்தின்  ஊழியர்களாக கடமையாற்றுபவர்களில் பெரும்பாலானவர்கள் அங்கவீனமுற்றவர்களே !   எனவே இவற்றை கருத்தில் கொண்டும் தற்போதைய பொருளாதார சூழ்நிலையினை கருத்திற்கொண்டும்  சூழலியல் மேம்பாட்டு அமைவனத்தின்  ( சூழகம் )   செயலாளர் திரு.  கருணாகரன் நாவலன் அவர்களின் ஏற்பாட்டில்     நிதியுதவியும் ,  உலருணவு பொதிகளும்  வழங்கப்பட்டன .  யாழ் ஜெய்பூர் நிலையத்தின் ஊடாக தயாரித்து பொருத்தப்படும் அங்கங்களை மென்மேலும் வினைத்திறனுடன் உற்பத்தி செய்து  தமிழின  உரிமைக்கான போரில் உடல் உறுப்புக்களை  இழந்தவர்களுக்கு உதவும் நோக்குடன்  நிலைய  நிர்வாகத்தினரிடம் ரூபாய் ஒரு இலட்சத்து நாற்பதாயிரம் ரூபாய்  ( 140000/=) கையளிக் க்கப்பட்டது. புங்குடுதீவை சேர்ந்த திரு.திருமதி சண்முகலிங்கம் தம்பதிகளின் ஞாபகார்த்தமாக அவர்களது புதல்வர் திரு.செந்தில் சண்முகலிங்கம் ( கனடா )  அவர்கள் இந்நிதியுதவியினை வழங்கியிருந்தார் . 

அத்தோடு இங்கு கடமையாற்றுகின்ற 11 ஊழியர்களுக்கும்  ரூபாய் 60000 பெறுமதிமிக்க உலருணவு பொதிகளும் வழங்கிவைக்கப்பட்டன . புங்குடுதீவை சேர்ந்த சுரேன் மற்றும் ராஜி ஆகியோரின் நிதியுதவியில் மேற்படி உலருணவு பொருட்கள் வழங்கிவைக்கப்படிருந்தன .மேற்படி நிகழ்வில்  யாழ் ஜெய்ப்பூர் வலுவிழந்தோர் புனர்வாழ்வு நிலையத்தின் பொறுப்பதிகாரிகளான  திருமதி வைத்தியர்  கணேசமூர்த்தி , திருமதி ஹெலன் தேவராசா , திருமதி சுஜிதா ரவிராஜ் ஆகியோரும் கலந்துகொண்டிருந்தனர்